Meddwl am fynd i wersylla yr haf yma?

I'r rhai sy'n hoffi cael gwyliau gwersylla yn yr Undeb Ewropeaidd (UE), roedd 28 400 o feysydd gwersylla wedi'u cofrestru yn 2017 i ddewis ohonynt.

Roedd tua dwy ran o dair o’r meysydd gwersylla hyn mewn pedair Aelod Wladwriaeth yn unig: Ffrainc (28%), y Deyrnas Unedig (17%, data 2016), yr Almaen a’r Iseldiroedd (y ddau 10%).

Treuliodd ymwelwyr gyfanswm o 397 miliwn o nosweithiau yng ngwersylloedd yr UE yn 2017, gan gyfrif am 12% o’r holl nosweithiau a dreuliwyd mewn llety twristiaid yn yr UE.Y tair gwlad gyda’r nifer uchaf o nosweithiau twristiaid yn cael eu treulio mewn meysydd gwersylla yn 2017 oedd Ffrainc (31% o’r holl nosweithiau a dreuliwyd mewn meysydd gwersylla yn yr UE), yr Eidal (14%) a’r Deyrnas Unedig (13%).

Y tair gwlad gyda’r gyfran uchaf o nosweithiau twristiaid yn cael eu treulio mewn meysydd gwersylla yn 2017 oedd Denmarc (33% o’r holl nosweithiau a dreuliwyd mewn llety twristiaeth yn y wlad), Lwcsembwrg (32%) a Ffrainc (29%).